Xuntança Capítulo do Solsticio de Verão e Homenagem a Manuel María – Villaba 2016 

Convocatoria Capítulo do solsticio de verão e homenagem a Manuel Maria – Villaba 25 de xuño 2016

FAGO SABER

De ordem e mandato do nosso Roi Xordo dom Manuel Maria Fernández Teixeiro, e por encomenda do nosso Secretario Perpetuo dom José Posada, ambos desde o alem, e por acordo ratificado do Supremo Sanedrim da Irmandade dos Vinos Galegos, que

VENHO A CONVOCAR CAPÍTULO DO SOLSTICIO DE VERÃO E NA HONRA DE MANUEL MARIA, para o próximo dia vintecinco de junho (25.06.16), sábado a celebrar em Outeiro de Rei e Vilalba (Lugo), segundo o seguinte programa:

Ás 11’30 horas juntança em Outeiro de Rei, na casa-museo do poeta Manuel Maria; seremos recebidos polo Segredario da Fundacion Manuel Maria, de Estudos Galegos, com o que recorremos em visita guiada a casa e curral, magnificamente restaurada, com mobiliario da época, a biblioteca, recordos pessoais do poeta, sua capa e sombreiro da irmandade, etc.; finalizada reiniciaremos viagem para

Ás 12’30 h., chegada ao Parador de Turismo de Vilalba com fotografia de famila nas escadas á Torre dos Andrade. Seguidamente, no Salon dos Andrade, celebraremos a cata, que nesta oportunidade será de tres brancos e tres tintos, designadamente:

Brancos:
– La Mar, variedade cainho, das adegas Terras Gauda, D.O. Rias Baixas
– As Sortes, godelho das adegas de Rafael Palacios, D.O, Valdeorras.
– Eduardo Peña, treixadura da adega do mesmo nome, D.O. Ribeiro.

E tintos:
– Viñaredo Souson, da adega SAT Santa Maria, D.O. Valdeorras; monovarietal da caste souson, colheita do 2.011.
– Pitacun Aurea, variedade mencia, do pago Aireixola, 14 meses em barrica, das Adegas e Viñedos Pitacum, D.O. Bierzo.
– Petit Pitacum, variedade mencia, 4 meses em barrica, tambem das Adegas e Viñedos Pitacum, e D.O. Bierzo.

Finalizada a cata, aperitivo a base de 1.croquetinhas de caponcinho, 2. crocante de San Simón da Costa, e 3. empanada gramada do obradoiro do Parador, a fim de repor forzas para atacar seguidamente o acto de entronização de novos irmandinhos na Capela do castelo e ladainha a nossos irmandinhos no alem.

Na casa-Museo e na capela teremos breve recital de poemas de Manuel Maria, da responsabilidade do irmandinho Xulio López Valcacel.

Cumplidos os rituais acudiremos ao Salon Terra Cha onde degustaremos o seguinte menú:
1. Aperitivos de Benvinda.
2. Menestra de verdura da Terra Chá, em temporada.
3. Polo de curral guisado com patacas da Chaira.
4. Filhoas recheas, flameadas com augardete galega.
Aguas minerais e vinho: branco Eduardo Peña e tinto Petit Pitacum.

Para o post prandium com café, licores, queimada, e música pasaremos de novo ao Salom dos Andrade.

E quando quadre marcharemos todos mais ou menos por onde viemos.

O preço andará polos 50 €.

Gostariamos contar com nossa esforzada grei e com as confrarias amigas de aquem e alem Minho, nesta festa na que colhemos ao verão ainda pouco desperto, na capital da Terra Cha (cantada com todo sentido no poemario do mesmo nome de Manuel Maria) e com esta homenagem que fazemos ao que foi e segue sendo nosso Roi Xordo e no ano que lhe adica a Real Academia Galega.

Informação:
– Para os assistentes que iniciem sua viagem em Ourense ou proximidades, haveram passar necessariamente por Outeiro de Rei para ir a Vilalba (e sobre o regato do Cepedelo cantado por Manuel), polo que tomem nota de que a distancia é de 122 kts. a Outeiro (casa-museo, desviarse levemente da autovia ou ir ja desde Lugo pola estrada antiga de A Coruña e a 10 kmts. aproximadamente está Outeiro de Rei) e o tempo aproximado, dependendo do veículo, algo mais de 2 horas, polo que sería boa hora de saida as 9 h. Para os de A Coruña e Compostela a distancia é menor, polo que podem combinar melhor horario e trajecto, que pode ter alguma variante, com a especifidade de que há que ultrapasar o enlace a Vilalba en Baamonde (não se despistem), continuar a Rábade e seguir poucos kts. mais até Outeiro de Rei . Para os de Vigo e proximidades a distancia é algo maior, som 186 kmts. desde Vigo a Outeiro de Rei (30 kts. menos desde Pontevedra e ainda menos desde Vilagarcia), igualmente temos que ultrapasar Baamonde, seguir até Rábade e um pouquiño mais; ás 9 h. havia que estar ja de caminho.
É necessario estar como límite ás 11’30 h. em Outeiro de Rei pensando mínimo de media hora de visita á Casa Museo e logo continuar a Vilalba 26 kts. mais, derivando em Rábade. A demora nos atrasaria todo o horario previsto para Vilalba.
Para os mais cómodos, mais preguiceiros ou que se perderom no caminho, e que procedan de Vigo ou localidades intermedias e de A Corunha e Compostela, há outra alternativa que é a de acudir directamente a Vilalba, desviandose em Baamonde para chegar ás 12’30 ao Parador (aforram a distancia entre Baamonde e Outeiro de Rei, que tanpouco é muita, 20 kmts. aproximadamente, e o tempo da visita á Casa Museo). Vos animo á visita da Casa.

E aquí fica espectante e agónico o sufrido Sanedrim debulhando a margarida de se vem ou não vem, pelo que encarezo vos anotedes com tempo chamando aos teléfonos 988228420 (Nemésio), 686964053 (Anguiano), 636990336 (Angel Pascual) ou 629259393 (Nacho) ou aos c.e. [email protected], [email protected], [email protected], nachopereirac@gmail,com ou [email protected].

Ja temos algúm anotado, Pero poucos, agardamos.

Saudos báquicos do Sanedrim e o sempre amical abraço do vosso

Nemésio Barxa.- Preboste.