Saibam quantos esto ler, que por Fevereiro teremos “Alegria alegrote, está o rabo do porco no pote” e para celebra-lo, realizaremos as seguintes actividades, mais ou menos subversivas:

- A nossa Cultural Irmandade tem a responsabilidade de contribuir a formar as Novas Geraçons de Vinófilos, Sommelieres.-Catadores-Hosteleiros e Gourmands, já que nom vamos viver sempre.

E contribuir a difundir o conhecimento, aprezo e respeito polos nossos vinhos galegos. Na nossa altruísta missión, viajará a nossa Celebérrima Irmandade ao Centro Superior de Hostelaría, na Barcia, a 3 quilómetros de Santiago, pola estrada que vai a Noia, ás 12,30 horas do dia 23 de Fevereiro corrente, e ali seremos recebidos polo Director do Centro, D.Luis Rial, para um encontro com os alunos, sob o título “O Nosso Vinho como Cultura”.

Teremos umhas comunicaçons sobre a história, salubridade, qualidade e Futuro do Vinho e depos celebraremos umha cata comentada de Vinhos Galegos, passando a seguir a umha comida de confraternidade com Professores e Alunos.

- O Dia 1 de Março, em Ourense, celebrarase a Féria “JANTAR”e segundo comunicado da Expourense, juntaremo-nos as 13 horas, faremos umha visita ao Salom, realizaremos umha cata de vinhos e teremos umha comida de Confraternidade Universal, começando polas nossas Confrerias de Portugal e o Estado Espanhol. Finalizará as 17horas com um Sypossium sobor “O Vinho Atlântico em harmonía com a nossa Dieta”.

Será obrigatório o uso de Uniforme, com capa, medalha e chapeu, ficando o caxato para quando houver liortas, mas se alguém o quiser trazer, numca se sabe. E nom tendo mais de que vos informar poólo momento, aqui fica este que o vem sendo, de momento e se nom há nada que o impida, e por favor informade sei vades a assistir, que temos que botar mais o menos castanhas no caldo.

Umha forte aperta do amigo,

Giuseppe Paussatta
Secretário et Ubérrimo Commendatore"