Benqueridos Irmandinhos!

Venho a vos alertar, informar e comunicar que, seguindo o nosso denodado trabalho, esforço e luta pola qualidade, dignidade, reconhecimento e promoçom do nosso Vinho Galego, temos programado, em colaboraçom com a Xunta de Galiza, Consellería do Medio Rural, e Casa de Galiza em Madrid, D. Alfonso Sobrado Palomares.

- Umha apresentaçom em Madrid dos Vinhos Galegos, com a colaboraçom das cinco Denominaçoms de Origem e Aguardentes, o dia 11 de Maio, as 20 horas, na Casa de Galiza, Rua Casado do Alisal, 8.

- Nesses mesmos dias, há a "Feria Clube do Gourmet", na Casa de Campo, e estamos convidados a visitá-la, com entradas gratis.

Que visto as ajudas que temos concedidas, poderemos hospedar gratis á nossa Tribo, e mesmo convidar a umhas tapas. O pagamento da Viagem a Madrid faremo-lo na medida em que haja muitos ou poucos que se apontam a expediçom, assim que respondede rápido, se queredes assistir, para organizar a viagem e estadía.

- Outrosim digo, que tamben estejades alertados, pois o dia 13 de Maio, que segundo o Calendário Juliano , cai em Sábado-Sabadete, teremos umha juntança consuetudinaria do Solstício de sempre, na Casa do Irmandinho José Castro Pintos, na sua Adega "Lagar de Pintos", Ribadumia, no Salnés.

Antes encontraremo-nos ás 12 horas em ponto, na Adega Condes de Albarei, para tomar uns petiscos e provar, comprovar, aprovar ou reprovar o seu vinho, e seguiremos para a Cata no "Lagar de Pintos", seguida de umha comida fáustica e pantagruélica, como de costume nas nossas castas, ascéticas e morigeradas juntanças.

E que mais de bom vos tenho que contar, que de momento é todo o que há, que já sabedes que non há que sabe-lo todo, que nom se pode conhecer de todo, e há que deixar algo para os especialistas que sabem   tudo de casi nada, nom coma nós, que sabemos um pouco de cada cousa, e um pouco de vinho em cada copo, essa é a arte da vida e da alegría de viver...

Bem, até que nos encontremos nestes trances, um abraço a todos, deste que o é, o vosso Secretário, Giuseppe Pausssata

Em Ourense, Galiza, a 11 de Abril do Anno de Glória do 2006

Irmandade dos Vinhos Galegos, entidade sem Ánimo de Lucro, mais sim con ánimo lúdico, trófico e hedónico.