Xuntança Mosteiro de Poio

De ordem e mandato do Nosso Señor Dom Roi Xordo, tenho a bem mandar a nossa Ínclita, Lúdica e Trófica Grei, para se juntar o dia de Gloria do 6 de Sam Joam, pola hora sexta, para os legos 12 da manhá, pertrechados de armas, copos, bom apetite e melhor humor.

O lugar ou campo do desafío será desta volta o Mosteiro de Poio, perto de Ponte Vedra, onde segundo as falas nacéu D. Cristovo Colón, que por fugir da sua mulher Beatriz Henríquez, foi descubrir e cubrir as índias das Américas, antes e tambén como fizeron os nossos avós.

Com este pretexto e para celebra-lo, que nom todos han de ser solstícios, celebraremos um Sympossium, que como a palabra quer dizer, e umha juntança de enopapadores homes de bem. Viremos primeiramente a fazer umha visita guiada polo Irmandinho D. Rafael Fontoira arredor dos claustros, Canasto, Igreja, Sala Capitular, adega e caindo já na Cozinha Velha, onde teremos o primeiro acto fundamental das nosas Juntanças, a Cata, Prova ou Análise Organoléptico dos vinhos da bisabarra, començando polos do próprio Mosteiro.

Seguiremos com umha entronizaçom, na Capela, lembrando os nossos Adiantados, e seguirá um monacal, frugal e ascético prandium, consistente numhas ameijas á marinheira, duas vieiras por testa, um rapante com ensalada e umha tarta do Mosteiro, especial da Maison.

Do Mais Alá cairám bençóns a mazo sobre nós, imbuidos do espírito e pátina dos séculos, assim que mostrade um pouco de pudor e decoro no comportamento. Isto é o que os pede, deseja e confía de vós, este o o vosso Secretário que aquí fica, rogando a Deus que nom fagades como sempre e como sodes. E avisade se vindes, Voto a Brios!

 

Guiseppe Paussatta,
ditto Ubérrimo Commendattore et Sempiterno Secretário
da Irmandade dos Vinhos Galegos
e das JONS (Junta Organizativa da Nutriçóm e ¡Saúde!)