Xuntança Betanços, 16 de Septembro de 2006

De ordem e mandato do Nosso Senhor, O nosso Gurú, o nosso Druida, Dom Roi Xordo Perpétuo, Dom Manuel María, vimos convocar a nossa Benéfica, Munífica e Díscola Grei, para fazer umha travessia vital, nom na barca de Caronte, senom no Navío de Cruzeiros de Betanços dos Caneiros.

-E juntaremo-nos, o sábado 16 de Septembro por volta das 12,30 horas, no Paço Municipal da Vila, para saudar o Seu Corregidor, e desejar-lhe as maiores venturas para a boa governaçom da sua Insula e Vila.

-De ali iremos em procissom ao embarcadeiro, no Passeio da Toleráncia, onde terá lugar umha cata/prova crítica, benévola e consetudinária dos vinhos seleccionados polos nossos celosos inquisidores.

-E embarcaremo-nos no Navio Oficial, fletado para a nossa Grei, rumo rio enriba, até zona recóndita onde caneirar e disfrutar de umha frugal pitança de biscoito marino, empada, carne ao caldeiro e outras viandas da travesía, equilibradas por mor do escorbuto que pode afectar á nossa equipagem e tripulaçom.

-E viremos a estudar, analisar, aprovar ou confirmar os novos estatutos, estudados para apresentar perante as Autoridades, competentes ou nom, e advirte-se que, ao estilo americano, será jogado pola borda ao mar na palanca, passado pola quilla e, amarrado ao pau de mesana, açoitado polo cómitre com o látigo de nove colas, quem discernir, discrepar ou dissentir das teses oficiais, segundo tem ordenado o capitám Barxa.

-E confía-se em que algúém sobreviva a tam audaz travesía e expediçom, e poda voltar a sua casa e fogar, para juglar e trovar as singulares fazanhas e insólitos descobrimentos que faremos nessas recónditas terras ignotas.

-Que Deus nos colha confessados e avisade a este Secretário quantos vamos ser, que tenta sélo ainda, e a pesar das complicaçons, avatares e singularidades da vida cotidiana, e que nom faltem. Ali nos veremo-nos e a mandar.

Giuseppe Paussatta
Secretário et Ubérrimo Commendatore"